HOMENAXE A XAVIER POUSA |
|
Homenaxe que a Fundación Xoán Piñeiro realizou a Xavier Pousa o día 8 de xaneiro de 2002, no Teatro Afundación de Vigo, un ano e un mes despois do seu pasamento: |
|
"... Xavier Pousa coa súa pousada conversa pincelaba as anécdotas, converténdoas en historias marabillosas, dignas do mellor contacontos. |
|
Home honesto e solidario, coa súa visión persoal e teimuda nunca tivo un non para traballar pola cultura desta terra que amaba soberanamente, nunca, no censo máis amplio da palabra. |
|
Pousa tivo tamén ese raro don de saber vivir, de compracerse aprendendo da vida, gozando dela, pintándoa sen presa, enfrontándose a ela mesmo cando a pouca saúde lle raspaba o brillo dos seus ollos. |
|
A amizade, a relación familiar e a identificación tan firme co máis próximo, comprometeuno cos intereses da nosa Fundación dende a súa creación, a finais do ano 98, e cos proxectos dirixidos ao desenvolvemento da escultura en Galicia..." |
|